Sajak Sunda : Sagagang Kembang Ros Bodas

SAGAGANG KEMBANG ROS BODAS

Hiliwir angin peting

Niisan hate nu keur rungsing

Sora Jangkrik ngan ngagerik

Caricangkas ukur mupuas

          Gulidagna rasa katresna

          Ngan ukur bisa kedal na rasa

          Asih teh ngan ukur ngolembar

          Deudeuh teh bet jadi hambar

Kuring sumegruk mudalkeun rasa

Nya didieu anjeun tetep renggenek

Disimbutan taneuh beureum

Dipapas tutunggul rasa.

          Jungjunan....

          Kamari urang balayar duduaan

          Meungkeut asih pasini anu saati

          Ngumbar rasa pinuh kabagja

Jungjunan...

Geuning wanci geus lingsir ngulon

Cimata robah jadi sawangan

Sugan jaga urang tepang

          Sagagang Kembang Ros Bodas

          Tilam asih marengan rasa

          Mapaes rasa katresna

          Maturan anjeun salawasna

`

Ah....

Layung beureum tos ngahibaran

Ninggalkeun sagagan kembang harepan

Wawakil rasa, 

Marengan salawasna